المقدمة
وجع الركبة ممكن يكون بسيط وممكن يوصل لمرحلة تعطل فيها يومك بالكامل. وعلشان تتعافى صح، لازم تبدأ بخطوة مهمة جداً: اختيار دعامة الركبة المناسبة حسب حالتك. لأن مش كل الحالات ينفع معاها نفس الدعامة. في المقال ده، هنعرفك إزاي تختار، وهنوضح الفرق بين كل نوع من أنواع دعامات الركبة اللي بيقدمها جامبول، بجودة عالية تناسب كل احتياج.
هل كل أنواع دعامات الركبة زي بعض؟
والإجابة اكيد لا لأن الدعامات بتختلف حسب شدة الحالة، نوع الإصابة، ومرحلة العلاج. خلينا نبدأ من الأبسط للأقوى:
1- دعامة الركبة العادية – للدعم الخفيف والراحة اليومية
لو بتحس بإجهاد في الركبة بعد يوم طويل، أو عندك خشونة خفيفة، فالدعامة العادية هتكون كافية جداً
مناسبة لـ : الألم البسيط، تورم خفيف، إجهاد عضلي، التهابات المفاصل، التورم والالتواءات الخفيفة.
مكوناتها:
خامة مرنة زي النيوبرين، بتوفر ضغط خفيف وتدفئة.
مميزاتها:
خفيفة، قابلة للغسيل، بتلبسها تحت اللبس بسهولة.
مثالية لـ:
كبار السن، أو اللي واقفين طول اليوم أو الرياضيين.
2- دعامة الركبة المفصلية – لو فيه ضعف أو عدم استقرار
لو بتحس إن ركبتك “بتلوي” أو فيها ضعف بسيط، يبقى المفصلية هي الأنسب ليك.
مناسبة لـ: إصابات الأربطة، الركبة اللي بتتحرك بشكل غير طبيعي ، الرباط الصليبي ، الخشونة المتوسطة.
مكوناتها:
مفاصل جانبية معدنية + خامة ضاغطة.
مميزاتها:
بتوفر ثبات أكتر، لكن بتسمح بالحركة الطبيعية.
مثالية لـ:
الناس اللي بتمارس رياضة خفيفة أو بيرجعوا من إصابة بسيطة.
3- دعامة تثبيت الركبة – لما الطبيب يطلب راحة تامة للمفصل
لو خرجت من عملية أو عندك إصابة قوية، لازم الركبة ترتاح تماماً .
مناسبة لـ : مرحلة ما بعد العمليات أو الكسور.
مكوناتها:
دعامات صلبة جانبية، وأشرطة تثبيت قوية.
مميزاتها:
بتمنع الحركة تماماً، وتدي فرصة للشفاء السليم.
مثالية لـ:
الالتزام بتعليمات الطبيب حرفياً.
4- دعامة الركبة المفصلية بعداد – كنترول كامل في مراحل التأهيل
دي تعتبر أعلى مستوى في دعامات الركبة، وبتستخدم في العلاج المتقدم.
مناسبة لـ : التأهيل بعد عملية الرباط الصليبي، أو كسور معقدة.
مكوناتها:
مفاصل بعداد متحرك للتحكم في الزاوية، هيكل قوي وثابت.
مميزاتها:
الطبيب بيحدد زاوية الثني والامتداد، حسب كل مرحلة علاج.
مثالية لـ:
الحالات اللي بتحتاج تحكم تدريجي في حركة المفصل.
إزاي تختار الدعامة المناسبة ؟
– اسأل طبيبك أولاً.
– حدد درجة الألم أو الإصابة.
– لو لسه في البداية، ممكن تبدأ بدعامة خفيفة.
– في الحالات الشديدة، لازم استشارة طبية واستخدام دعامة مناسبة.
ليه تختار دعامات جامبول؟
جامبول بتقدم دعامات بجودة عالمية وأسعار مناسبة. خامات مريحة، تصميم عملي، ومقاسات تناسب كل الأعمار. والأهم، كل منتج منهم معمول مخصوص علشان يريحك ويدعمك في كل مرحلة من مراحل العلاج.